پاکستان میں سونے کی قیمت میں کمی کا سلسلہ جاری ہے اور آج بھی فی تولہ سونے کی قیمت میں ایک ہزار روپے کی کمی ریکارڈ کی گئی ہے۔
آل پاکستان صرافہ جیمز اینڈ جیولرز ایسوسی ایشن کے مطابق ایک ہزار روپے کمی کے بعد فی تولہ سونے کی نئی قیمت 4 لاکھ 62 ہزار 136 روپے ہوگئی ہے۔ اسی طرح 10 گرام سونے کی قیمت 857 روپے کمی کے بعد 3 لاکھ 96 ہزار 207 روپے ہوگئی۔
عالمی مارکیٹ میں بھی سونے کی قیمت میں کمی ہوئی، جہاں فی اونس قیمت 10 ڈالر کم ہوکر 4 ہزار 396 ڈالر پر آگئی۔ گزشتہ روز بھی پاکستان میں فی تولہ سونے کی قیمت میں 2 ہزار 400 روپے کی کمی ہوئی تھی۔
سونے کی قیمت میں اتار چڑھاؤ عالمی مارکیٹ کے نرخوں، ڈالر کی قدر، عالمی معاشی صورتحال، جغرافیائی کشیدگی اور شرح سود سے متعلق توقعات سے متاثر ہوتا ہے۔ پاکستان میں عالمی قیمت کے ساتھ روپے اور ڈالر کی شرح تبادلہ بھی مقامی سونے کے نرخ پر اثر انداز ہوتی ہے۔
