آسٹریلوی ٹینس اسٹار نک کرگیوس کو کوکین کا ٹیسٹ مثبت آنے کے بعد عارضی طور پر معطل کر دیا گیا ہے۔
آسٹریلین ٹینس انٹیگریٹی اتھارٹی (ATIA) کے مطابق نک کرگیوس نے 22 جون کو مایورکا اوپن کے دوران ڈوپنگ ٹیسٹ کے لیے نمونہ جمع کروایا تھا، جس میں کوکین کی موجودگی کی تصدیق ہوئی۔
ATIA کے مطابق سابق عالمی نمبر 13 ٹینس کھلاڑی کو 4 اگست سے عارضی طور پر معطل کیا گیا ہے۔ معطلی کا فیصلہ ٹینس میں ممنوعہ اشیا کے استعمال سے متعلق قوانین کے تحت کیا گیا ہے۔
نک کرگیوس نے معاملے پر ردعمل دیتے ہوئے اپنی غلطی تسلیم کی اور کہا کہ ان سے بڑی غلطی ہوئی ہے اور وہ اس کی مکمل ذمہ داری قبول کرتے ہیں۔
کرگیوس کا شمار آسٹریلیا کے نمایاں اور باصلاحیت ٹینس کھلاڑیوں میں ہوتا ہے۔ ان کا کیریئر متعدد شاندار پرفارمنسز کے ساتھ ساتھ مختلف تنازعات کے باعث بھی خبروں میں رہا ہے۔
