چین کی مصنوعی ذہانت سے وابستہ کمپنیاں امریکہ کی ممکنہ نئی پابندیوں کے خدشے کے پیشِ نظر بیرونِ ملک ڈیٹا سینٹرز میں Nvidia کے جدید اے آئی چپس کی کمپیوٹنگ صلاحیت محفوظ کرنے کی کوشش کر رہی ہیں۔
خبر رساں ادارے رائٹرز کے مطابق چینی کمپنیاں بیرونِ ملک ڈیٹا سینٹرز سے کمپیوٹنگ پاور کرائے پر لینے کے امکانات کا جائزہ لے رہی ہیں تاکہ امریکی برآمدی پابندیوں کے باوجود جدید چپس تک رسائی برقرار رکھی جا سکے۔
اس پیش رفت کی ایک وجہ امریکہ میں زیرِ غور قانون بھی ہے، جو محدود ٹیکنالوجی تک بیرونِ ملک کلاؤڈ رسائی کو امریکی نگرانی میں لا سکتا ہے۔ دوسری جانب Nvidia کے سی ای او جینسن ہوانگ اور سابق ٹیکنالوجی ایگزیکٹو ایلس ہوانگ سے متعلق جاسوسی کے الزامات نے بھی معاملے کو مزید حساس بنا دیا ہے۔ تاہم ایلس ہوانگ کے چینی انٹیلی جنس سے تعلق کے الزامات کی آزادانہ تصدیق نہیں ہوئی، جبکہ متعلقہ فریق ان الزامات کی تردید کر چکے ہیں۔
