امریکہ-چین تجارتی کشیدگی کے باعث سونے کی قیمتوں میں تاریخی کمی

امریکہ اور چین کے درمیان جاری تجارتی جنگ میں اچانک پیش رفت کے بعد سونے کی قیمت میں عالمی اور مقامی سطح پر غیر معمولی کمی دیکھی گئی۔

آل پاکستان صرافہ جیمز اینڈ جیولرز ایسوسی ایشن کے مطابق 24 قیراط سونے کی فی تولہ قیمت میں 11,700 روپے کی کمی واقع ہوئی، جس کے بعد نئی قیمت 3,52,000 روپے ہو گئی۔ 10 گرام سونے کی قیمت میں بھی 10,031 روپے کمی ہوئی، اور قیمت 3,01,783 روپے پر آ گئی۔

بین الاقوامی مارکیٹ میں بھی سونے کی قیمت 116 ڈالر فی اونس کم ہو کر 3,338 ڈالر پر آ گئی۔

دوسری جانب، چاندی کی قیمت میں اضافہ دیکھا گیا۔ فی تولہ چاندی کی قیمت 16 روپے بڑھ کر 3,457 روپے اور 10 گرام چاندی 13 روپے کے اضافے کے ساتھ 2,963 روپے ہو گئی۔ عالمی مارکیٹ میں چاندی 0.16 ڈالر اضافے سے 32.93 ڈالر فی اونس پر پہنچ گئی۔

ماہرین کے مطابق، عالمی تجارتی ماحول کی غیر یقینی صورتحال اور کرنسی پالیسیوں میں رد و بدل اس غیر معمولی قیمت اتار چڑھاؤ کی ممکنہ وجوہات ہیں۔